Zakat, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

 

Buah srikaye banyak bijinye

Care makannye kudu pelan-pelan

Zakat entu wajib bagi yang kaye

Buat bersiin harte dari kotoran

 

Ade zakat maal ade zakat fitreh

Ade juga yang cume sedekah

Kalo mao idup kite berkeh

Cobe selalu banyakin ibadeh

 

Sedekeh banyak manfaat buat si kaye

Buat si miskin begitu juge

Keduaenye saling berbagi rase

Biar same-same bise masuk surge

 

Sedekeh entu ngebawe berkeh

Harte yang diberi malah berlimpah

Abis sedekah jangan pake nyumpeh

Entar pahalenye bakal jadi sampah

 

Ngedayung perahu sampe ke pesisir

Laut biru dindingnye pasir

Jadi orang janganlah kikir

Tebarin senyum jangan terus mencibir

 

Bunge melati putih nan indah

Bunge mawar rantingnye beduri

Kalo mao harte terus nambah

Tangan kiri ga tau kalo tangan kanan udeh ngeberi

 

Cinte nyang indah cinte sejati

Die bakal terus dibawe mati

Kalo sedekah jangan cume seperti

Jike harte di rumeh masih sepedati

 

Jaman dulu waktu kite masih dijajah kompeni

Sapi ame kebo dipake buat narik pedati

Zakat fitrah entu dibayar sebelon idul fitri

Kite ngeluarinnye setaon cume sekali

 

Bayar zakat fitreh setaon cume sekali

Tapi sedekeh dianjurin berkali-kali

Ame lingkungan kite kudu peduli

Biar banjirnye ga dateng lagi

 

Kalo sedekeh jangan sampe takut miskin

Soalnye Yang di Atas udeh pastiin ngejamin

Berape banyak yang kite keluarin

Die pasti bakal gantiin

 

Zakat ame sedekeh ke mane kite salurin

Kepade orang jompo, fakir ame si miskin

Yatim piatu boleh juge diduluin

Buat nambah madrasah jangan sampe dilupain

 

Dulu mandi di empang seing diomelin

Ikannye orang pade dipancingin

Sekarng orang udeh pade ninggalin

Adat yang jelek jangan diterusin