Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Banyak sekali yang kite temuin

Wasiat Nabi yang udeh dipesenin

Buat sahabat, keluarga handai tolan

Karne cinte bukan sekedar candaan

Abu Huroirah pernah diwasiatkan

Shalatlah witir sebelon tiduran

Puase tige hari dalem sebulan

Dhuhe matahari udeh tinggian

Buat Abu al-Darda Rasul juge mesenin

Pesennye same ame Abu Hurairah

Bukhari ame Muslim yang ngeriwayatin

Bise dapetin di kitab sirah

Ame Ibn Umar wasiatnye laen lagi

Shalat malamnye kage ditinggalin

Biarpun die udeh rajin ngaji

Ibn Umar patuh ame menta’ati

Kale waktu Nabi khutbah wada’

Pesennye serius kage becanda’

Dipesenin hormatin perempuan

Ame nyang jandi atawe perawan

Suami disuruh bae ama istri

Juge anak perempuan atawe laki-laki

Jangan disamapin tapi kage dibedain

Hak ame kewajiban kudu dijalanin

Wasiat Rasul yang terakhir

Semue udeh mulai khawatir

Ajalnye nyang udeh hampir

Kudu solat ame jagain selir

Kepade ummat Rasul ngasih wasiat

Kudu selalu megang erat-erat

Dijamin die kage bakal sesat

Di dunie atawe di akhirat

Nabi ninggalin due amanah

Kudu megang al-Qur’an ame sunnah

Di kale seneng atawe susah

Waktu nyantai ame lagi lelah

Nabi cinte ame ummatnye

Semue kebaean udeh di ajarin

Ayok kite semue pengikutnye

Akhlak beliau kudu ditiruin

Kite disuruh saling ngormatin

Ati juge kudu dijagain

Belain sodare ame sodari

Kale siang atawe malem hari

Bela mereka ame kebenaran

Jika emang salah tolong diingetin

Suruh kembali ke ajaran al-Qur’an

Ambil yang bener jangan dilupain

Nabi mesenin berulang-ulang

Kite kage boleh ngelukain orang

Ame kage boleh ngelakuin curang

Kehormatan harus kite pandang

Hak orang Islam ame sesame

Riwayat muslim disebutin enam

Riwayat baru atawe lame

Ade yang same ame beragam

Ngucapin salam dikale lewat

Ame yang perlu kita kasi nasehat

Kalo diundang kudunye datang

Jengukin yang sakit biarpun bentar doang