Wafatnya Nabi, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Nabi Muhammad juge manusie

Kematiannye akhirnye juge tibe

Meski ummat semue berduke

Namun udeh kehendak yang kuase

 

Dikit lagi jelang ajal tibe

Baginde minte izin istri-istrinye

Pengen tinggal di tempat yang mude

Biar bise dirawat di sane

 

Nabi meriang badannye demam keras

Suhu badannye terasa panas

Beliau ngerase agak sesek nafas

Baginde nungguin waktu yang pas

 

Jantungnye Nabi berdebar keras

Ruh rasanye udeh deket di atas

Beliau mesenin kepade semue

Jagelah sholat ame selirnye

 

Waktu ajal percis tibe

Baginde pasrah sebagai hambe

Meskipun nyang ngeliat ngerase ibe

Air mata jatoh gak kerase

 

Nabi Muhammad akhirnye wafat

Pade saat yang paling tepat

Di atas pangkuan A’isyah yang rapat

Begitu hakekat yang diliat

 

Hari ‘ntu hari Senin

Same pendapatnye kage ade nyang lain

12 Rabiul Awwal tige belas hijriah

Semue ummatnye nerime tabah

 

Nabi dimandiin ame Abbas

Paman yang ngerelain dengan ikhlas

Ditaburin wangian dilapisin kapas

Temennye pun rela buat ngelepas

 

Baginde dikubur di tempat dipanggil

Disaksiin juge ame malaikat Jibril

Nyang ngeliat ikutan ngegigil

Pade serius nggak ade yang nyambil

 

Kuburnye sekarang kite ziarahin

Semoge kite Allah berkahin

Soal khilafiyah nyok kite udahin

Jangan ribut terus apelagi nyakitin

 

Syafa’at Rasul semoge diberikan

Duduk dekatnye ‘entu jadi arepan

Ya Allah tolong jadiin kenyataan

Meski sekarang masih jadi impian