Tawakkal, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

 

Tawakkal entu berserah diri

Kepade Allah rabbul izzati

Inget selalu pesen-pesen eni

Yang disabdein oleh pare nabi

 

Mancing ikan mas yang kene bawal

Masaknye enak kalo dipanggang

Kalo emang bener kite tawakkal

Sunnah Nabi entu yang kite pegang

 

Tawakkal perlu setiap waktu

Qodo’ ame qodar udeh ditentu

Kite berserah pade Yang Atu

Kapan ajal dateng kite ga tau

 

Kue lapis rasanye manis

Makannye ditambah ame uli ketan

Kalo makan kudu sampe abis

Biar ga jadi temennye setan

 

Ente belajar ane salut

Entu ibadeh ane ikut

Jangan cume bise manis di mulut

Kelakuan kita malah ga patut

 

Jangan cume bise bilang ah

Apalagi kalo bilang kok

Yang penting berusahelah

Lalu tawakkal entu yang pokok

 

Hujan deres turun di Bogor

Kalo ampe seharian Jakarte banjir

Liat orang korupsi segere lapor

Jangan ampe ente ikut disisir

 

Tempe yang enak kalo dibacem

Rasanye asem manis ga bikin mual

Mao ngelapor jangan takut diancem

Bukannye Tuhan suruh tawakkal