Syahadatain, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

Buah nangke mirip cempedak

Bulet ame harum manis rasanye

Pintu ape yang kage bise rusak

Syahadah entu pintunye surge

 

Pake internet ga cukup semenit

Cari berite ga bakal sulit

Kalo ente udeh kejepit

Banyak wirid jangan nunggu sampe kelilit

 

Orang beriman dibilang mukmin

Orang muslim surge janjinye

Karene entu sering ucap syahadatain

Sebagai bukti ikrar kite pada-Nye

 

Nabi Muhammad kan udeh wafat

Ga ade lagi nabi yang diangkat

Kalo ade yang cobe ngaku

Entu pastinye nabi palsu

 

Nabi palsu banyak sekali

Baru gede dikit ueh sok sakti

Waktu die masuk bui

Ga ade lagi yang peduli

 

Banyak nabi palsu bermunculan

Awas entu semue cume tipuan

Soalnye emang ga ade yang beneran

Kaye yang dijelasin dalem al-Qur’an

 

Dalem al-Qur’an Muhammad nabi terakhir

Kate hadis riwayatnye juga mutawatir

Jadi jangan gampang kite dipelintir

Oleh isu ame katenye orang yang segelintir

 

Ade Mirza yang kebelinger

Lalu Musodiq yang sok pinter

Nanti bakal muncul lagi

Fitneh baru yang kage henti

 

Masuk angin minum air sode

Kalo demam pilih aer kelape mude

Jangan sampe kite tergode

Tanemin iman di dalem dade

 

Ade musang bebulu dombe

Minyak babi capnye onte

Kalo bener mao jadi hambe

Jadi nabi palsu amatlah niste