Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

Sabar entu disayang Tuhan

Disayang Tuhan banyak yang bantu

Semue cobaan kudu bertahan

Tahan godaan inget yang Atu

Kedondong salak ditambah rambutan

Dibikin manisan enak sekali

Hal yang bae ditunde jangan

Pahale sabar dikasinye due kali

Orang Muslim sunggih luar biase

Kate Nabi waktu cerite

Jike suseh mereka sabar

Jike lapang mereka bersyukur

Sabar entu kage bise ditunde

Kate teksnye inda sodmatil ula

Pahale janjinye adalah surge

Semoge kite ade di sana

Makan nasi ame kecap

Lauknye Ikan asin ame sambel terasi

Sabar entu mudah diucap

Sulit dibuat ame berat sekali

Masak semur kudu pake ketumbar

Makan siang yang enak pake sambel teri

Kalo ente mao jadi orang yang sabar

Kudu inget janji yang Allah beri

Masak gurame banyak carenye

Bisa digoreng bisa dipanggang

Sabar entu tige macemnye

Ade yang suseh ade yang gampang

Makan ikan kudu ati-ati

Durinye banyak bise kesangkut

Kalo kerje jangan separo ati

Lame-lame ntar bise bangkrut

Kalo mandi pakelah sabun

Gosok giginye boleh pake siwak

Kalo bekerje kudu tekun

Jangan ketawe apalagi ngelawak

Jembatan merah jembatan lime

Due jembatan yang punye sejarah

Kalo kerje belon keterime

Janganlah ente cepet-cepet marah

Lampu ijo lampu mereh

Kalo masih mereh jangan dulu jlan

Kalo ente masih terus mareh

Nanti kage dapet Ridho Tuhan

Tuhan sampe pernah bersumpeh

Demi mase manusie pasti kaleh

Ngadepin cobaan idup yang emang suseh

Karene entu jangan nyereh

Kalo ente mao kage kaleh

Ade empat sarat yang kudu disereh

Iman ame amal dulu sebagai bekal

Sabar ame nasehat kebenaran terus ngawal