PUASA, PANTUN BETAWI

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

 

Di antare perintah Allah ta’ala

Bulan Ramadhan bulan puase

Waktunye buat ngumpulin pahala

Jangan sampe ke campur dose

 

Ke Madiun naek kerete Bima

Kalo ga dapet baru naek matarmaja

Puase Ramadhan entulah yang utame

Ngelatih rase jangan dimanje

 

Pegi nabung ke bank sendiri aje

Kalo mao narik uang bawa pengawal

Puase Ramadhan kudulah sempurne

Puasa Syawal jangan sampe ditinggal

 

Jike hasrat terus membare

Hayal melayang ga pernah berujung

Obatnye Cuma ade atu care

Sering puase ente ga bakal bingung

 

Poon kelape kaye poon kurme

Buah, kayu sampe daunnye tetep begune

Jadikan entu kaye diri ente

Oegimane yang dipesen oleh baginde

 

Ade cuke ade garem

Sayur khas Betawi sayur asem

Puase sunnah amat beragam

Ade senin kemis ade juge Muharram

 

Nyebrang sungai naikin sampan

Dayung dikayuh sampe ke tepian

Puase Arafah di tanggal sembilan

Diamuni dose taon lalu ame taon depan

 

Buke puase sunnahnye pake kurme

Abis buke jangan lupe taraweh

Terus lanjutin sampe tadarusan

Kepade anak yatim ayo’ kite beri santunan

 

Naik kapal kudu beli tiket

Beli tiketnye jangan lewat calo

Mau sehat kudulah diet

Perhatiin makannye biar loyo

 

Di Istane Bogor banyak ruse

Di Tapak Siring ade telage

Kalo kite lagi puase

Mulut ame tingkah laku kudu dijage

 

Baru jadi pramuke masuk siage

Udeh lame dikit naek penggalang

Kalo mulut kite kage dijage

Semue pahale bise jadi ngilang

 

Banyak bintang ga bebilang

Kalo diitung ga bakal tahan

Orang yang puase due kali girang

Waktu bebuke ame ketemu Tuhan

 

Anak-anak kecil main layangan

Benangnye putus dikejar-kejar

Kalo puase jangan sembarangan

Hawa ame nafsu kudu diajar