Perdamaian Hudaibiah, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Bulan Zul qo’dah taon 6 hijriah

Suasane sulit Makkah-Madinah

Kudu perang kok pade ogah

Pengen damai tapi juge susah

 

Akhirnya perang bise dihindarin

Pilihan damai disepakatin

Name tempatnye kampung Hudaibiyah

Jaraknye deket ame kote Makkah

 

Di antare yang disepakatin

Kage boleh ade nyang nyusahin

Kalo ke Makkah kudu dibiarin

Yang dari Makkah kudu dibalikin

 

Ade nyang nanye kok kaye gini

Keliatannye Islam malah rugi

Pengen protes pade kage berani

Soalnye ‘enni disetujui Nabi

 

Abis ‘ntu die pade tau

Banyak rahasie dibalik ‘ntu

‘Eni siasat emang paling jitu

Sebab dibimbing ame yang Satu

 

Nabi Muhammad lalu ngejelasin

Yang balik ke Makkah ga usah dipikirin

Die munafik yang suke nyusahin

Kan lebih baik kalo dibiarin

 

Yang dari Makkah kalo mao ke sini

Kite bilang aje ga usah permisi

Tinggal dulu aje ame anak bini

Kite bakal dateng ga lame lagi

 

Perjanjiannye yang diisi

Yang mao haji harus dikasih

Yang umrah kudu dimudahi

Kalo ga itu bise kene sangsi

 

Rasul teken perjanjian ini

Pake stempel ngeleket di jari

Orang nanye ko kaye gini

Besok ari baru pade ngerti