Perang Khondak, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Nabi kuatir bukan kepalang

Pasukan musuh bakal nyerang

Jumlahnye banyak bukan sembarang

Lebih dari sepulu ribu orang

 

Nabi nanye pade sahabat

Ape yang kudu kita perbuat

Jage Madinah ame kerabat

Dari serangan yang amat hebat

 

Ade sahabat namanye Salman

Orang Parsi banyak pengalaman

Siasat perang buat bertahan

Ngelawan musuh nyang ribuan

 

Kate Salman die nuturin

Ngegali lobang agak didalemin

Ini siasat buat nguatin

Dari serangan yang ngancurin

 

Rasul ngegali parit Khondak

Keliling Madinah secare serempak

Saking sibuknye ampe kelupe

Zuhur asar maghrib yang dijage

 

‘Eni awal perintah odo’

Biar lambat Allah tetep ridho’

Asal kite kage sengaje

Ngelakuin salah nyang jadi dose

 

Pade waktu Madinah dikepung

Seratus ribu tentare ditampung

Tapi akhirnye die pade bingung

Lobang gede panjang yang bikin linglung

 

Tige hari pade berkemah

Ngarepin Madinah jadi lemah

Keabisan makanan nyang dijatah

Badan die pade jadi lelah

 

Angin puyuh dateng ngedadak

Kaget bukan main die pade tersentak

Kemah ngelayang hewan berontak

‘Eni lah Allah punye kehendak

 

Kocar kacir pasukan musu

Padahal awalnye die pade bersatu

Ancurin Madinah jadi batu

Die pade lupe kalo ade nyang Satu

 

Perang Khondak makan biaye

Tapi yang meninggal atu due aje

‘Eni kan jadi pengalaman berharge

Buat kite ame die pade