Perang Badr, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Peristiwe ‘eni di taon kedue

Islam belon lagi punye bale tentare

Cume relawan nyang amat setie

Nebela Nabi demi agame

 

Musyrikin nyerang ngebawe seribu

Dari Makkah nyang cukup jau

Ade pasukan kude belah debu

Pasukan onte ngebawe ibu-ibu

 

Nabi ngelawan pake tiga ratus

Pasukan berani nyang emang tulus

Allahu Akbar pedang dihunus

Barisan musuh bise ditembus

 

Perang keliatannye kage seimbang

Dari sono dateng buat ngenantang

Nabi kepakse ngangkat pedang

Musuh dihalau terus diterjang

 

Suare pedang bunyinye crang cring crang

Ade nyang luke ame patah tulang

Suasane perang jadi bikin tegang

Bantuan Allah pasukan Nabi menang

 

70 orang musuh ditawan

Nabi nanye mao diapakan

Umar usul kalo diabiskan

Peristiwe ‘eni biar jadi pelajaran

 

Abu Bakar punye usul lain

Orang Madinah banyak bute aksare

Lebih bae pade diajarin

Care nulis ame care bace

 

Bagi yang nebus eh boleh bayar

Bagi yang kage kudu ngajar

Kalo ade yang kurang ajar

Umar teriak: Nyok kite hajar

 

Ide kedue Nabi tertarik

Sebab dianggep sangat menarik

Tapi Allah kage terusik

Yang menarik belon tentu terbaik