Neraka, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

Masuk nerake sebabnye dose

Masuk surge sebabnye pahale

Kalo di dunie kita ngabdi

Bahagie pasti di akhirat nanti

 

Makan siang nikmat kudu pake sambel

Ade sayur asemnye same ikan bawal

Mao selamat dari nerake siapin bekel

Nasehat kiyai banyak-banyakin amal

 

Nerake entu serem sekali

Orang di situ pade dipanggang

Jangan sampe ente entar sesali

Udeh tige puluh taon kok masih ngebujang

 

Hidup di Jakarte ape aje ade

Dosanye banyak pahalanye juge

Janganlah ente sampe kegode

Same yang namanye entu narkoba

 

Kalo udeh mulai ngisep ganje

Sabu mesti dicari ke mane-mane

Neraka persis di depan mate

Ajal menanti ga akan lame

 

Buat mereka pecandu narkobe

Cepet tobat sebelon ajal tibe

Surge masih bise kelihat

Asal tobatnye kage telat

 

Buat sambel pake terasi

Dicampur tomat bikinnye di cui

Buat mereka yang suka korupsi

Nerake deket meski belon masuk bui

 

Beli baju di pasar Jatinegare

Ke Pasar Pagi beli perabotan

Kalo cinte sedang membare

Awas ame bujuk rayuan setan

 

Piknik yang asyik ke Salabintane

Pemandangan indah sejuk udaranye

Dosa entu emang kage bewarne

Tetapi tetep ade bekasnye

 

Dose entu kaye noda hitam

Bakal gede kalo ga disiram

Kalo mao kage jadi besar

Cepat siram ame istighfar

 

Ade dose kecil ade dose besar

Hapus dose kecil kudu istighfar

Kalo dose besar kudu dibakar

Ame tobat yang begetar