Menikahi Khadijah, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Ngeliat pemude ade yang amanah

Ati Khodijah jadi tergugah

Ngasih isyarat iye siap dinikah

Buat ngebine rumeh tangge sakinah

 

Khodijah amat cinta ame Nabi

Ape nyang dipunye Khadijah beri

Nabi juge ngerasain begini

Khodijah pun amat dicintai

 

Setiap nabi punye masalah

Diceritain ame Khadijah

Die ngedenger dengan seksame

Ngarepin hikmah di balik semue

 

Ade peristiwe bikin Nabi takut

Ampe-ampe bikin Nabi kalut

Di goa hiro Nabi ibadah

Didatangin makhluk yang gak lumrah

 

Muhammad ngisahin ‘ntu semue

Yang die liat teramat nyate

Khodijah pun jadinye nanye

Ame pamannye Naufal pendete

 

‘Entulah Jibril nyang dateng ke Musa

Juge same nyang dateng ke Isa

Die bakal jadi Nabi

Yang udeh lame dinanti-nanti