Menggembala Kambing, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Waktu Muhammad jadi remaje

Kerjanye pernah ngangonin kambing

Hikmahnye biar kage manje

Tekun sabar bise ngebimbing

 

Kambing manusie pasti kage same

Biar keren kambing tetep binatang

Ngangon kambing Nabi aje bise

Ngebine orang pasti lebih gampang

 

Kate Nabi dalem sabdenye

Semue Nabi pasti begini

Ngangon kambing di waktu mudenye

Bakal bekel kala besar nanti

 

Waktu ame teman seprofesi

Nabi diajak ngebikin kongsi

Buat ngeliat yang kage dikasi

Di tenge malem abis makan nasi

 

Rencane diatur dan disiasati

Buat dikerjain pade malem hari

Mereka dengan ati-ati

Nabi ketinggalan gak jadi pegi

 

Muhammad tidur ampe pules

Walau tidurnye tanpe ales

Die dibuat kaya orang males

Buat ngindarin teman-teman yang cules

 

‘Eni Allah yang udeh atur

Prilak Nabi gak boleh ngelantur

Karena ‘ntu Nabi dibuat tidur

Supaye kage terus terlanjur

 

‘Eni termasuk lindungan Tuhan

Kalo mau salah Allah yang nahan

Meski belon keterlaluan

Tapi tetep aje disebut kesalahan