Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Orang Makkah yang pake hijrah

Kite sebut kaum muhajirin

Tapi bagi yang aslinye Madinah

Disebut Ansor kite kudu bedain

Kaum Muhajirin emang aga’ susah

Harta bandanye ditinggal di Makkah

Sampenye juge pake susah payah

Iye tentunye banyak yang berubah

Tentunye beda ame kaum Ansor

Tiap rumahnye ade aje kantor

Tapi orang Ansor pade bijak-bijak

Kaum Muhajirin semuenye diajak

Nabi ngebangun persaudaraan

Biar gak ade perbedaan

Ngebangun satu persamaan

Semue ‘entu sebab keimanan

Kaum Ansor nerimanye senang

Muhajirin juge dikasih barang

Ampe-ampe anak bini diikhlasin

Bakal dikawinin niat nolongin

Nabi jadiin mereka sodaraan

Muhajirin Ansor saling membutuhkan

Bukan cume perkare ‘ntu aje

Berame-rame ngebangun negare

Orang Ansor kerjanye tani

Orang Muhajirin die pade dagang

Orang Ansor orang nyang berani

Orang Muhajirin kage ragu ngangkat pedang

Sodaraan ‘eni ampe bise nyamein

Sesame nasib ame juga tanggungan

Die pade kudu saling bantuin

Mulai nyang dulu juge nyang belakangan

Kejadian ‘eni gak dirase di Makkah

Sebab ‘ntu mereka makin betah

Apalagi gak pernah bikin ulah

Ame kelakuan nyang bikin susah