Maulid Nabi, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Nabi dilahirin pade hari Senin

Hadisnye sasih ane bise cariin

Nggak pake bilang berape tanggalnye

Yang Nabi cerite cume harinye

 

Ade riwayat tanggal due belas

Riwayat laen katanye sembilan

Yang mane yang bener ane nggak jelas

Nggak useh debatin apelagi pengadilan

 

Waktu lahir nabi udeh dihitan

Nggak pake gelar buat hajatan

Kok bise gitu ane perlu jelaskan

Eh ‘ntu udeh kehendak Tuhan

 

Yang bantu Aminah waktu ngelahirin

Ade si bidan nyang ikut ngaturin

Syifa namanye enyaknye Abdurrahman

Orangnye baik nggak mate duitan

 

Aminah nyobe buat nyusuin

Mpok Syifa juge ngeliatin

Tapi nggak tau Nabi kok ogah

Baru mao dari susu Tsuwaibah

 

Ade riwayat yang nyeritain

Nabi bise ngomong abis dilahirin

Yang die bilang Allahul Ahad

Belon sampe Allahus Somad

 

Sedih oh sedih kite bacanye

Nabi dilahirin kage ade babenye

Udeh meninggal tige bulan lamenye

Abdul Muthalib jadi kafilnye