Masa Sebelum Lahir, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

 

Musim buahan sering ditungguin

Dari cempedak ampe rambutan

Taun gajah Nabi dilahirin

Gak bakal ilang dalem ingatan

 

Tahun gajah kok namanye gitu

Raje Abrahah katanye jitu

Die kepengen ancurin Ka’bah

Buat muasin ati nyang serakah

 

Gajah dikirim dari Habasyah

Lewat Yaman jalur Arafah

Allah cukup ngirimin anak buah

Burug Ababil terbang ngebelah

 

Persis di atas wadi Muhassir

Pasukan gajah dihalau diusir

Ababil bawa batu kerikil

Pasukan percis kaye sate kikil

 

Orang heran ape gerangan

Ade kejadian diluar dugaan

Semue udeh kehendak Tuhan

Alam seseste menunggu kelahiran

 

Muhammad udeh dinanti-nantikan

Oleh tangis dan juge jeritan

Anak manusie yang disesatkan

Hawe nafsu godaan setan

 

Muhammad lahir bawe chaye

Jadi rahmat buat manusie

Biar semue bise bahagie

Di dunia ‘eni dan akhirat sane

 

Cma kebenaran yang iye bawe

Meski harus nerime tawe

Caci maki iye tetep terime

Iye terus nyebarin agame

 

Waktu ‘entu Makkah udeh maju

Penduduknye ude pake baju

Berdagang ampe ke negeri Syam

Belon kenal negeri Paman Sam

 

Makanan nabi juge udeh hebat

Selaen bergizi rasanye lezat

Makan roti keju nggak bikin lesu

 

Makkah juge punye pasar seni

Seniman aduan puisi terkini

Kalo menang petantang-petenteng

Tempat ‘entu jadi Pasar Seng