Kematian, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

Beli ikan ke Muare Karang

Mampir di kote buat beli prabotan

Kalo belon tobat sampe sekarang

Awas kalo sampe dateng kematian

 

Mati entu dateng secare tibe-tibe

Kadang ga disangke kadang ga diduge

Karene entu jangan cepet ngerase ibe

Kepade mereka yang suke belage

 

Binatang paling pinter kononye si kanci;

Walo die tubuhnye kecil

Kalo bikin rumeh cobelah yang mungil

Walo kudu pake jurus mencicil

 

Kematian etu kate orang mengerikan

Namun sayangnye die kage bise dijauhkan

Nah yang penting adalah persiapan

Buat ngadepin setiap kemungkinan

 

Kematian entu emang bakal dateng

Ga kenal malem ame ga kenal siang

Mao di laut atawe di padang

Bae pejabat apelagi pedagang

 

Kalo malaikat maut entu udeh bersabde

Ga seorangpun dapet nggode

Minte keringanan buat ditunde

Walo pun tangis ga lagi reda

 

Jike kematian orang lagi ditungguin

Jangan lupe buat ditalkin

Yang diucap hanye syahadatain

Jangan udeh kaye’ gitu eh cume diliatin