Jujur, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

Beras yang bagus entu beras Cianjur

Berasnye pulen enak dibuat timbel

Ente kudu belaku jujur

Walo banyak yang pade sebel

 

Jujur entu ngomong ape adenye

Kage beduste kage juge pure-pure

Nasib mujur pasti ade syaratnye

Kage kaye cerite dari penjare

 

Pagi-pagi udeh makan ikan pede

Saking enaknye ampe banyak yang lupe

Pegi ke kantor kok masih naek sepede

Kage ape-ape asal nanti bakal masuk surge

 

Mao bekemah pergi aje ke Cibubur

Jangan lupa ngebawe tenda

Mao jadi pemimpin kudu jujur

Kalo korupsi bakal dipenjare ame kene denda

 

Lawannye jujur adalah duste

Entu masuk perbuatan niste

Kalo semue udeh terlanjur

Cepet tobat sebelon masuk kubur

 

Rumah Gadai banyak di Pariaman

Rumeh Joglo adenye di Jawe

Amanah entu kudu disampaikan

Meski kudu betaruh nyawe

 

Cerite Nabi waktu besabde

Jujur ngebawe kite ke surge

Pegimane ko entu bise

Soalnye pahale ade di sane