Istri-istri Nabi, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Istri pertame namenye Khadijah

Saudagar tajir tinggalnye di Makkah

Belain Nabi gak pake lelah

Ngasih dukungan dan cinte berlimpah

 

Waktu ‘entu umur Nabi due lime

Khadijah udeh ngejande rada lame

Allah ngasih anaknye lime

Cantik beseter bikin terkesime

 

Istri kedue namenye Saudah

Nyang ketige ‘ntu Aisyah

Dinikehinnye waktu di Mekkah

Sebelon Nabi berangkat hijrah

 

Kalo mandi jangan lupe sabun

Semue badan disiramin ampe basah

Umur Aisyah baru tujuh taun

Di Madinah baru tinggal serumah

 

Istri nyang laen namenye Zainab

Perneh dinikahin ame anak gak senasab

Perintah ‘ntu ade di al-Qur’an

Ini perintah bukan main-mainan

 

Ade hikmah di balik ‘entu

Allah pengen nunjukin sesuatu

Anak angkat bukan anak kandung

Kage peduli bae ato badung

 

Zainab sering ngebanggein diri

Perkawinannya disuruh ilahi

Meski kage dikasi momongan

Anak nyang bakal jadi turunan

 

Istri yang laen namenye Hafsah

Anaknye Umar dikasih anugrah

Bacaan Qur’annye emang indah

Siape nyang denger jadinye betah

 

Siti Hafsah punye kebiasaan

Nyatetin ayat juge apal Qur’an

Karene ‘ntu mushaf dititipkan

Oleh khalifah Usman bin Affan

 

Nyang laen lagi namanye Maria

Asalnye bukan dari Syiria

Apelagi dari Malaysia

Nasabnye jelas namenye Qibtia

 

Lahir darinye atu anak

Laki-laki namenye Ibrahim

Meninggal masih kanak-kanak

Maria tabah tetep silaturahim

 

Istri Nabi jumlahnye sebelas

Semuenye nikah dengan ikhlas

Namun jangan salah paham dulu

Bukan nafsu yang jadi penghulu

 

Semuenye perintah Tuhan

Bukan nurutin nafsunye setan

Hampir semue istrinye jande

Nyang perawan cuman atu aje

 

Semuenye udeh punye niatan

Bakal kepentingan ame persatuan

Juge buat ngebantu keperluan

Jadi jande abis peperangan

 

Nyang harus ente kudu inget

Nabi lakuin semuenye adil

Gak dipukul gak diiket

Seumur idupnye kage pernah nyentil