Hijrah Ke Ta’if, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Waktu entuh orang Makkah sombong

Nyangke Nabi si pembohong

Sebenernye orang-orang percaye

Muhammad ‘ntu kagak pernah duste

 

Ta’if kota kecil nyang indah

Die ade deket kote Makkah

Jaraknye cume seratus kilo

Kalo ke sono kudu pake ngaso

 

Singkat cerite Nabi ke sane

Pergi bedue ame temennye

Tapi sayang penduduk nggak terime

Akan ape yang Nabi bawe

 

Nabi diusir dilemparin batu

Kena rage walo cume atu

Meski begitu Nabi nggak gerutu

Sebab die inget ame nyang Satu

 

Luke Nabi ampe berdarah

Jibril aje ampe ikut marah

Tapi Nabi kite amat tabah

Baginde berdoe ame terus pasrah

 

Doe Nabi buat penduduknye

Jangan ade yang ke nerake

Semoge Allah kasih hidayah

Karne nggak tau benar ame salah

 

Nabi pulang tanpe pengikut

Ade nyang mau die masih takut

Doe Nabi dikabulkan

Tapi terjadinye belakangan

 

Sesudah Nabi tinggal di Madinah

Penduduk Tha’if dateng menyerah

Terus juge pade bersyahadah

Semue ngucap alhamdulillah