Haji, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

 

Pegi haji ke tanah suci

Modal awalnye iman sejati

Sebae bekelnye adalah taqwe

Agar semue amal kite diterime

 

Kite tawaf tujuh puteran

Mohon lindungan same Tuhan

Supaye kite dijauhi dari setan

Hidup bahagie tanpe banyak beban

 

Jangan lupe bawe pulang air zam-zam

Buat diminum bukan buat nyiram

Biar berkahnye kite dapatin

Penyakit kambuh dapat diobatin

 

Pahale haji masuk surge

Pahale umrah dose diampun

Lagi wukuf mulut dijage

Banyakin zikir eh jangan melamun

 

Kalo lagi pake ihram

Banyak pantangan yang jadi haram

Sampe tahallul entu batesnye

Dicukur botak banyak pahalanye

 

Mao ngelontar pegi ke Mine

Lempar batunye kudulah kene

Kenape begini jangan tanye ane

Nabi Ibrahim punye jawabnye

 

Belanje ole-ole ke pasar Seng

Ape aje ade termasuk obeng

Jalannye sempit ame banyak lorong

Cariin tasbih buat si engkong

 

Kite ziarah ke kuburan Ma’la

Mampir sebentar ke mesjid Jin

Denger cerite dulu kala

Ketike jin pade dengerin

 

Al-Qur’an turun bawe berite

Mereka pade bise nyaksiin

Lalu dicari bukti yang nyate

Poon yang ade pade deketin

 

Pulang haji jadi pa’ haji

Kalo ibu dipanggil hajjah

Jangan lupe seringlah ngaji

Biar bertambah amal ibadah