Hadist, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

 Hadis artinye omongan Nabi

Kelakuaan baginde juga sifatnye

Hal entu yang disepakati

Sunnah ame hadis same adanye

 

Hadis dibagi banyak macem

Ade yang sahih ade yang hasan

Ade yang palsu entu diancem

Yang da’if masih dipertimbangkan

 

Yang sampe nabi dibilang marfu’

Kate Tabi’in dicap maqtu’

Mawquf sahabat boleh digali

Yang dari Atas dianggep Qudsi

 

Kurang banyak duit jangan khawatir

Asalkan ga lupe bersyukur

Kalo banyak rawinye entu mutawatir

Kurang banyak dikit dibilang masyhur

 

Rawinye due doang aziz istilahnye

Ahad kalo atu didebat orang

Jadi ulame banyak undangannye

Tapi jangan sampe nyusahin orang

 

Contoh hadis sahuh innamal a’malu

Kalo yang mutawatir man kazzaba

Bekerje yang giat jangan jadi benalu

Cari yang halal ga kaye Ali Baba

 

Malem Rebo kite ngaji

Tempatnye di Masjid Baitul Mughni

Bace kitabnye Sahih Bukhari

Entu Kitab Hadis yang paling tinggi

 

Belajar agame ga kenal musim

Emang wajibnye orang muslim

Abis Sahih Bukhari ade Sahih Muslim

Kite ngajinye same mua’llim

 

Sunan Abu Dawud lalu Tirmizi

Bacanye jangan setengah hati

Ilmu hadis entu kudu dicari

Agar ga salah kite ngerti

 

Bace kitab-kitab jangan sampe salah

Bae di mesjid atawe di rumah

Sunan al-Nasa’i lalu Ibnu Majah

Entu semue name kutub al-Sittah

 

Burung merpati terbang tinggi

Burung elang pulang ke kandang

Pake siwak bakal gosok gigi

Selaen sunnah gigi jadi ga belobang

 

Kalo kite mao naek bis

Kudu antri waktu beli karcis

Kalo mao pinter ulumul hadis

Kitab Ibnu Solah kudu dilalap abis

 

Listrik padem pasanglah lilin

Lilin abis obor baru dinyalain

Kalo kitab Ibnu Solah udeh diabisin

Baru boleh bace kitab yang lain