Bismillah, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

 

Bismillah artinye dengan name Allah

Hanye kepada-Nye kite menyembah

Cuma buat-Nye kite beribadah

Dan keharibaan-Nye kite berserah

 

Bismillah banyak fadilahnye

Ditolong Tuhan tentu adanye

Mulai bekerje bacelah entu

Mendapat ridho udehlah tentu

 

Di Pondok Pinang tempat jualan bahan bangunan

Di Pasar Minggu orang pade jualan buah

Kalo mao hasil yang menyenangkan

Mulailah dengan bace Bismillah

 

Sarung yang bagus buatan Bugis

Rajutannye rapi kage kebelah

Dari Sulaiman kepade Balqis

Pesennye pendek pake Bismillah

 

Ade cerite yang luar biase

Seorang santri ga bise pulang

Akibat banjir yang ngelande

Mai ke rumah aer ngehadang

 

Santri nanye kepade sang Guru

Pegimane caranye dapet berlalu

Guru bertitah bacelah Bismillah

Semue bakal jadi mudeh

 

Santri yang yakin lalu nyebrang

Sungai yang banjur tanpe jembatan

Ternyate dapet melayang

Di atas air die dapet berjalan

 

Sang guru nanye soal cerite

Ade rahasie ape yang boleh diamalin

Santri ngejawab dengan bertanye

Bukannye guru yang ngajarin

 

Sang guru lalu cobe nyebrang

Sungai yang masih dilande banjir

Keceburlah pas aer nerjang

Kenape gagal cobe dipikir

 

Bukan Bismillah yang ga lagi ampuh

Tapi imanlah yang kadang rapuh

Karene entu mari bersimpuh

Kehadapan Allah kudu ditempuh