BERDAGANG KE NEGERI SYAM, PANTUN BETAWI

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Waktu Muhammad usie mude

Pamannya ngajak ikut niage

Ke negeri Syam nyang jau di mate

Due ribu kilo jarak tempuhnye

 

Waktu Nabi umur lime belas

Padang pasir jalanannye panas

Masih dikit orang nyang ngelintas

Semue ‘ntu bikin ati was-was

 

Tapi anehnye awan ngikutin

Kemane aje kaki diayunin

Semue nyang ngikut jadi heran

Terus pade nanye ade ape gerangan

 

Di kote Busro bertemu pendete

Umurnye tue ngomong terbate

Muhammad jawab ape yang ditanye

Kage ade yang make duste

 

‘Ntu Pendete ngeluarin kate

‘Eni pemudi nyelametin semeste

Bakal jadi Rasul kite

Bawe risalah Allah yang nyate

 

Pendeta Buhairo lalu ngasih pesan

Agar pamannye menjage sungguhan

Sebab ‘eni anak bakal jadi utusan

Yang udeh lama dinanti-nantikan

 

Tige empat kali ikutan dagang

Bawe keuntungan setiap pulang

Karena jujur al-Amin disandang

Jadi andalan yang mao ngutang

 

Selanjutnye Nabi sering dagang

Ngebawe titipan barang-barang

Yang dititipin orang Qurais

Dagangannye jadi laris manis