BERDA’WAH KEPADA BANGSA JIN, PANTUN BETAWI

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca sejarah perjalanan nabi lewat pantun Betawi di bawah ini.

Cerite ‘eni ade di surat al-Jin

Kalo bace bae’nye diabisin

Ade nyang pengen diliatin

Ame Allah Robbul alamin

 

Kage pake minta izin

Berite dicuri ame bangse jin

Jumlahnye kage ampe selusin

Supaye bise disampein

 

Nabi ngajak orang masuk Islam

Didatengin dan diberi salam

Jin ngerenung tapi kage diem

Buat nyari bukti yang lebih dalem

 

Nggak percaye Jin minte dibuktiin

Mu’jizat benar pasti diikutin

Kebenaran udeh dinantiin

Dari Allah Rabbul alamin

 

Ade po’on numbuh kage jauh

Bangse Jin minte Nabi nyuruh

Po’on di sane biar ngedekat

Eh tuh po’on dia pade ta’at

 

Jin maklum ‘eni Nabi beneran

Mu’jizatnya ngilangin penasaran

Kalo Nabi nggak bisa beginian

‘Eni nyate bukan bo’ongan

 

Jin akhirnye bikin kesepakatan

Buat ngada’in semacem pengajian

Entah bulanan atawe mingguan

Nabi tepatin ‘entu perjanjian

 

Cerite ‘eni buat ngeyakinin

Bahwe bangse jin ade nyang iman

Kalo ente masih belon yakin

Ente ajak aje jin salaman