Al-qur’an, Pantun Betawi

Masyarakat Betawi mengenal bentuk pantun dalam kehidupan sehari-hari, menurut Chaer (2012) pantun baris pertama dan kedua disebut sampiran, baris ketiga dan keempat baru berupa isi pantun. Pola persajakan pantun berbunyi a-b-a-b, namun pada pantun Betawi sendiri juga dikenal dengan bunyi pola persajakan a-a-a-a seperti pada pantun Betawi karangan Ahmad Lutfi Fathullah yang membaca pesan nabi lewat pantun Betawi di bawah ini.

 

Al-Qur’an entu firman Allah Ta’ala

Diturunin kepade Nabi yang mulia

Melalui Jibril yang sangat setia

Jadi pedoman ummat manusia

 

Semue kandunganye sampe kepade kite

Urutan, sanad ame mutawatir entu nyate

Dijamin aslinye oleh Maha Ngeliat

Dari awal lagi sampe hari kiamat

 

Dibaca ame didenger dapet pahale

Maih terbate-bate dapetlah due

Lancar bacenye bakal bersame

Kiramil Bararah dampingin kite

 

Ke pasar Minggu ngalap rambutan

Rambutan cimpedak enaknye bukan buatan

Bacelah selalu ayat-ayat al-Qur’an

Niscaye kite bakal dijauhin setan

 

Buah buni buah kecapi

Buahan asli negeri Betawi

Punye anak punye bini

Kudulah kite ajarin ngaji

 

Kalo pagi makan nasi

Cume mao ngupi gorengin singkong

Jaman tehnologi udeh kaye gini

Ga bise ngaji ah malu dong

 

Makan mie ditarik-tarik

Lebih enak lagi campur telor asin

Malem Juma’at malem yang baik

Jangan kite lupe bace Yasin

 

Poon kelape Puan jarang adenye

Poonnye tinggi daunnye lebat

Pinter ngajinye rajin shalatnye

Entu baru namanye hebat

 

Orang yang selalu bace al-Qur’an ibarat buah jeruk

Jarang bace al-Qur’an kaye buah kurme

Kalo lagi belajar jangan suke ngantuk

Nanti malahan ga ade yang kene

 

Buah jeruk manis rasenye

Baunye wangi orang-orang pade cari

Kalo pengen bahagie hidupnye

Bacelah al-Qur’an setiap hari

 

Ngebace ame nulis entu biase

Anak TK aje udeh pade bise

Kalo mao yang lebih berarti

Bace al-Qur’annye sambil dimengerti

 

Al-Qur’an petunjuk juge penjelas

Dibace didenger tetep berpahale

Kalo anak ente mao jadi cerdas

Suruh hafalin al-Qur’an di luar kepale

 

Maen tak umpet maen selepetan

Entu budaye Betawi yang udeh dilupakan

Tapi ade yang kudu dipertahankan

Ikutin Ratiban ame Pengajian

 

Dibace ame dikaji tanpe lelahnye

Al-Tabari nulis tafsirnye

Al-Razi cobe nerobos filosofinye

Ibn al-Arabi usahe nyari ta’wilnye

 

Quraisy Shibah punye al-Misbah

Tafsir Surkati ditulis udeh

M. Yunus, Tengku Hasbi ame Buya Hamka

Semue entu ulama tafsir Indonesia